Aankhen...

na jaane kya rakha hai in aankhon mein
jo ithni choti ho kar bhi.. iss haseen duniyaan ko apne mein bharlethi hain.....

na jaane kya rakha hai in aankhon mein
jo bina aansoo piye... khushi aur gham ke jal bahaa dethi hain.....

na jaane kya rakha hai in aankhon mein
jo bina kuch kahe... dil ke bhavanaaon ka izhar kar lethi hain.....

aakhir.... kya rakha hai in aankhon mein jo khamosh reh kar bhi...
ithne saare sawaal kar lethi hain.....

Maa.....

mere dil ki dhadkan ho tum...
mere kal ki darpan ho tum....
meri aankhon ki kaajal ho tum...
mere sapnon ke baadal ho tum....
meri manzil ka kinara ho tum...
mere jeevan ka sahara ho tum....
meri zindagi ki roshni ho tum...
mere bandagi ki raagini ho tum....
mere bhavishya ka ujala ho tum...
mere beethe hue kal ka nazara ho tum....
bhagwan ki ek anmol srushti ho tum...
sach kehthi hoon maa
mujhko apni jaan se bhi pyaari ho tum....

zindagi ke rang......

zindagi aisi milthi hai
jaise baarish ki boondon ko peekar, jaag ut thi hai soyi hui dharthi...

zindagi aisi badalthi hai
jaise barsaath ki boondon ko chookar, phool banjaathi hai masoom kali...

zindagi aisi bichadthi hai
jaise baarish ki boondon se tokar khakar, chaav kho bait thi hai naadan panchi..

zindagi aisi nikharthi hai
jaise barsaath mein bheeg kar, haseen lagne lagthi hai bejaan prakruthi....